မြန်မာနိုင်ငံဟာ လာမယ့် ၂၀၁၄ ကျရင် အာဆီယံ အလှည့်ကျဥက္ကဋ္ဌ တာဝန် ယူလိုတယ်လို့ ကမ်းလှမ်းထားချက်အပေါ် ဖြစ်သင့် မသင့် အကဲဖြတ် စုံစမ်းဖို့ လက်ရှိ အာဆီယံဥက္ကဋ္ဌ အင်ဒိုနီးရှား နိုင်ငံခြားရေးဝန်ကြီးဟာ မကြာခင် မြန်မာနိုင်ငံကို သွားရောက်မှာ ဖြစ်ပါတယ်။ ဒါပေမဲ့ AIPMC ခေါ် မြန်မာ့အရေး အာဆီယံ အမတ်များအဖွဲ့ အပါအ၀င် ဒေသတွင်း လူ့အခွင့်အရေးအဖွဲ့ အတော်များများကတော့ မြန်မာနိုင်ငံဟာ လက်ရှိ အခြေအနေအတိုင်းဆိုရင် အာဆီယံဥက္ကဋ္ဌ မဖြစ်သင့်သေးဘူးလို့ မြင်ကြပါတယ်။ အပြည့်အစုံကို ကိုသားညွန့်ဦးက စုံစမ်းမေးမြန်းပြီး တင်ပြပေးထားပါတယ်။
အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ (Marty Natalegawa) ဦးဆောင်မယ့် အကဲဖြတ် ကိုယ်စားလှယ်အဖွဲ့ မြန်မာနိုင်ငံ လာရောက်ဖို့ မြန်မာအစိုးရ နိုင်ငံခြားရေး ၀န်ကြီးဌာနက ဖိတ်ကြားထားပြီးပြီလို့ သိရပါတယ်။ မြန်မာနိုင်ငံအနေနဲ့ လာမယ့် ၂၀၁၄ မှာ အာဆီယံ အလှည့်ကျ ဥက္ကဋ္ဌတာဝန် ယူနိုင် မနိုင် ဆိုတာကို အကဲဖြတ် လေ့လာဖို့အတွက် မြန်မာနိုင်ငံကို အာဆီယံ ကိုယ်စားလှယ်အဖွဲ့ စေလွှတ်ဖို့ ပြီးခဲ့တဲ့ အာဆီယံ နိုင်ငံခြားရေးဝန်ကြီးများ အစည်းအဝေးကတည်းက ဆုံးဖြတ်ခဲ့ပြီးသားပါ။
ဒါပေမဲ့ ဘယ်တော့ သွားရောက်မလဲဆိုတဲ့ ရက်ကိုတော့ အတိအကျ မသတ်မှတ်ရသေးဘူးလို့ အင်ဒိုနီးရှား နိုင်ငံခြားရေး ၀န်ကြီးဌာန ပြောခွင့်ရသူ မိုက်ကယ် တင်းက ဗွီအိုအေ မြန်မာပိုင်းကို ပြောပါတယ်။
သတင်းအပြည့်အစုံ သို့
No comments:
Post a Comment