ဒေါ်အောင်ဆန်းစုကြည် အလုပ်ရုံ ဆွေးနွေးပွဲ တက်ရောက်ပြီး ရန်ကုန်ပြန်

8/21/2011 08:28:00 PMတွင်ရေးသည်

အတိုက်အခံ ခေါင်းဆောင် ဒေါ်အောင်ဆန်းစုကြည်သည် စနေနေ့ နံနက်က နေပြည်တော်
မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာနတွင် ပြုလုပ်သော အမျိုးသားအဆင့် စီးပွားဖွံ့ဖြိုးတိုးတက်ရေး အလုပ်ရုံ ဆွေးနွေးပွဲသို့ တက်ရောက်ခဲ့ပြီး ရန်ကုန်သို့ ပြန်လည် ထွက်ခွာသွားပြီ ဖြစ်သည်။

သမ္မတ ဦးသိန်းစိန်နှင့် နိုင်ငံရေး တွေ့ဆုံဆွေးနွေးခဲ့သော ဒေါ်အောင်ဆန်းစုကြည်သည် မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာနတွင် ပြုလုပ်သော နိုင်ငံ့စီးပွား ဖွံ့ဖြိုးတိုးတက်ရေး အလုပ်ရုံ ဆွေးနွေးပွဲသို့လည်း တက်ရောက်ခဲ့သည်။ ဓာတ်ပုံ- မဇ္ဈိမ။

အတိုက်အခံ ခေါင်းဆောင် ဒေါ်အောင်ဆန်းစုကြည်၊ သမ္မတ စီးပွားရေး အကြံပေး
ဒေါက်တာ ဦးမြင့်နှင့် ပြည်ထောင်စုဝန်ကြီးများ စနေနေ့ သြဂုတ်လ ၂ဝ ရက်၊ ၂ဝ၁၁
ခုနှစ်တွင် နေပြည်တော် MICC တွင် စကားလက်ဆုံ ကျနေစဉ်။ ဓာတ်ပုံ- မဇ္ဈိမ။
သမ္မတ ဦးသိန်းစိန်နှင့် နိုင်ငံရေး တွေ့ဆုံဆွေးနွေး ခဲ့သော
ဒေါ်အောင်ဆန်းစုကြည်သည် မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာနတွင်
ပြုလုပ်သော နိုင်ငံ့စီးပွား ဖွံ့ဖြိုးတိုးတက်ရေး အလုပ်ရုံ
ဆွေးနွေးပွဲသို့လည်း တက်ရောက်ခဲ့သည်။

နံနက် ၉ နာရီမှ စတင်၍ သူ၏ မိတ်ဆွေ သမ္မတ၏ စီးပွားရေး အကြံပေး ဦးမြင့်တို့နှင့်အတူ အလုပ်ရုံ ဆွေးနွေးပွဲသို့ ၁ နာရီ တက်ရောက်ခဲ့သည်။ ယခု သတင်းပေးပို့ချိန်တွင် ဒေါ်အောင်ဆန်းစုကြသည် အစိုးရ၏ လုံခြုံရေး အစီအစဉ်ဖြင့်ပင် ရန်ကုန်သို့ ပြန်လည် ထွက်ခွာသွားပြီဟု သိရသည်။

ဆွေးနွေးပွဲ ခေတ္တ ရပ်နားချိန်တွင် ပြည်ထောင်စု ဝန်ကြီးများနှင့်အတူ နိုင်ငံ့ရေးရာများ ပြောဖြစ်ခဲ့ကြသည်ဟု သတင်းရပ်ကွက်တခုက ပြောသည်။ ဝန်ကြီးများ ထွက်ခွာသွားချိန်တွင် စီးပွားရေး လုပ်ငန်းရှင်များဖြစ်သော ဦးအောင်ကိုဝင်း၊ ဦးထွန်းမြင့်နိုင်နှင့် ဦးဇော်ဇော်တို့နှင့် စကားလက်ဆုံ ကျခဲ့သည်။ ထို့အပြင် စီးပွားရေး လုပ်ငန်းရှင်များက ဓာတ်ပုံအတူ တွဲရိုက်ရန် တောင်းဆိုရာ ဓာတ်ပုံရိုက်ခဲ့သည်။

သောကြာနေ့က သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ သမ္မတ အိမ်တော်ရုံးခန်းတွင် ပထမဆုံး အကြိမ်အဖြစ် ဆွေးနွေးခဲ့ကြသည်။

မတူကွဲပြားချက်များကို ဘေးဖယ်လျက် "နိုင်ငံနှင့် ပြည်သူလူထု အတွက် အမှန်တကယ် အကျိုးရှိစေမည့် ဘုံအကျိုးစီးပွားများမှ ပူးပေါင်း ဆောင်ရွက်မည့် အလားအလာများအား ရင်းနှီးစွာ ဆွေးနွေးခဲ့” သည်ဟု
နိုင်ငံပိုင် MRTV-4 ရုပ်မြင်သံကြား ထုတ်လွှင့်ချက်တွင် ပါရှိသည်။

ဆက်လက် မျှဝေရန်... :

မြန်မာမီဒီယာများ