(ဓာတ်ပုံများ - ငြိမ်းဇော်/ဧရာဝတီ)ချင်းမိုင်ခရိုင်၊ Mae Taeng ဒေသက ရွာတရွာ တောင်ကျရေဒဏ် တညလုံး ခံလိုက်ရတယ်၊ မိသားစုဝင် ၅ ဦးထဲက ၄ ဦးရဲ့ ရုပ်အလောင်းကို ဒီနေ့ တွေ့ရတယ်လို့ ဒီနေ့ နေ့ခင်း ဘန်ကောက်ပို့စ်သတင်းစာ အွန်လိုင်းမှာ ရေးထားပါတယ်။
ကျန်တဲ့တဦးကို ရှာဖွေနေဆဲပါ။
ဒီမနက် ၁ နာရီမှာ ကြုံရတဲ့ တောင်ကျရေကြောင့် စုစုပေါင်း အိမ် ၄ လုံး ပျက်သွားတယ်လို့ ဆိုတယ်။
ခရိုင်မြို့တော် ချင်းမိုင်မှာလည်း ကျောင်းတွေ ရုံးတွေအတော်များများကို ရုတ်တရက်ပိတ်လိုက်ပါတယ်။
မြို့တွင်းလမ်းမတွေဟာ နေ့ခင်းမှာ ကားတွေဆိုင်ကယ်တွေနဲ့ ပြည့်သွားတယ်။
ရေကြီးမှုကြောင့် ဘန်ကောက်-ချင်းမိုင် ရထားခရီးစဉ်တခု ဖျက်လိုက်တယ်လို့ နေးရှင်းသတင်းစာ အွန်လိုင်းက ဆိုပါတယ်။ ခရီးသည် ၅၀၀ ထက်မနည်းကို ဘတ်စ်ကားပေါ် တင်ပေးလိုက်တယ် တဲ့။
ချင်းမိုင် နိုက်ဘဇားကိုသွားတဲ့လမ်း
ချင်းမိုင် ခရိုင်ဝန် Panadda Disakul (ကာကီရောင်ဘောင်းဘီနှင့်)
ချင်းမိုင်မြို့လယ် န၀ရတ်တံတားအနီး မဲ့ပင်းမြစ်ဘေးတနေရာ
ရေကြီးမှုကို မှတ်တမ်းတင်ပြီး facebook လို လူမှုသတင်းကွန်ရက်တွေမှာ ဖော်ပြနေကြပါတယ်
No comments:
Post a Comment