ငြိမ်းချမ်းရေး ဆွေးနွေးရန် KIO ကို ထပ်မံကမ်းလှမ်း

ကချင် လွတ်မြောက်ရေး အဖွဲ့ (KIO) ကို အပစ်အခတ် ရပ်စဲရေး အတွက် ထပ်မံ တွေ့ဆုံဆွေးနွေးရန် မြစ်ကြီးနားမြို့နယ် ပြည်သူ့ လွှတ်တော် ကိုယ်စားလှယ်ဦးသိန်းဇော်က အောက်တိုဘာ၂၉ ရက်နေ့တွင် စာတစောင် ပေးပို့ခဲ့သည်။

ကချင်ပြည်နယ် နယ်စပ်ရေးရာ ၀န်ကြီး ဗိုလ်မှူးကြီး သန်းအောင် ဦးဆောင်သည့် အစိုးရကိုယ်စားလှယ်အဖွဲ့နှင့် KIO ကိုယ်စားလှယ်များ ဇွန်လ ၃၀ ရက်နေ့က ကချင်ပြည်နယ် လဂျားယံ တွင် တွေ့ဆုံဆွေးနွေးနေစဉ် (ဓာတ်ပုံ – ဧရာဝတီ)

အပစ်အခတ်ရပ်စဲရေးအတွက် အစိုးရနှင့် KIO ကိုယ်စားလှယ်များ လဂျားယန်ဒေသတွင် သြဂုတ်လ ၁ ရက်နေ့က နောက်ဆုံးတွေ့ ဆုံခဲ့သည်။
ယခုပေးပို့သော စာကို ဦးသိန်းဇော် ကိုယ်တိုင်ရေးသားပေးပို့ခြင်း ဖြစ်ပြီး ငြိမ်းချမ်းရေး ကိစ္စများအား လွှတ်တော်အတွင်း နိုင်ငံရေး နည်းလမ်းအရ ဆွေးနွေး အဖြေရှာရန် တိုက်တွန်းထားကြောင်း သိရသည်။
တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA)၊ ကရင်အမျိုးသား အစည်းအရုံး(KNU)၊ ၀ပြည် သွေးစည်းညီညွတ် ရေး တပ်မတော်(UWSA)၊ မိုင်းလားအခြေစိုက် အမျိုးသားဒီမိုကရေစီ မဟာမိတ် တပ်မတော်(NDAA) စသည့် အဖွဲ့တို့က အစိုးရနှင့် တွေ့ဆုံဆွေးနွေးမှုများ ပြုလုပ်နေပြီ ဖြစ်ကြောင် ဦးသိန်းဇော် ပေးပို့သောစာတွင် ဖော်ပြထားသည်။
KIOက အင်္ဂါနေ့တွင် ဦးသိန်းဇော်ထံသို့ အကြောင်းပြန်လိုက်သည်။
“ငြိမ်းချမ်းမှု ဆိုတာထက် နိုင်ငံရေး ဆွေးနွေးမှုကို လိုချင်တဲ့ သဘောဆန္ဒတွေကို စာနဲ့ ရေးပြီတော့ အကြောင်းပြန်လိုက်တယ်၊ ဘယ်လိုတွေ့ရအောင်၊ ဆုံရအောင်၊ ပြောဆိုရအောင် ဘာမှ မပါဘူး”ဟု KIO တွဲဖက် အတွင်းရေးမှူး ဦးလနန်က ဧရာဝတီသို့ ပြော သည်။
ဦးသိန်းဇော် ရေးပို့သည့် စာဖြစ်သောကြောင့် KIO ဘက်ကလည်း ပုဂ္ဂိုလ်ရေးအရ စာပြန်လိုက်ခြင်း ဖြစ်ကြောင်း ၎င်းက ဆိုသည်။
ယင်းစာပေးပို့မှုသည် လတ်တလော မြန်မာနိုင်ငံသို့ အင်ဒိုနီးရှားနိုင်ငံခြားရေးဝန်ကြီး မစ္စတာ မာတီ နာတာလီဂါဝါ၊ ကုလသမဂ္ဂ အထွေထွေ အတွင်းရေးမှူးချုပ်၏ အထူးအကြံပေး ပုဂ္ဂိုလ် မစ္စတာ ဗီဂျေ နမ်ဘီယာ၊ အမေရိကန် အစိုးရ၏ မြန်မာနိုင်ငံဆိုင်ရာအထူး ကိုယ်စားလှယ်နှင့် မူဝါဒရေးရာ ညှိနှိုင်းရေးမှူး မစ္စတာ ဒဲရက် မစ်ချယ်တို့ ရောက်ရှိနေချိန်နှင့်လည်း တိုက်ဆိုင်နေသည်။
“ဒီလိုမျိုး ပုဂ္ဂိုလ်တွေ လာတဲ့အချိန်မှာ သူကတော့ ဒီလက်နက်ကိုင် အင်အားစုတွေနဲ့ အဆက်အသွယ်လုပ်ပြီးတော့ ငြိမ်းချမ်းရေးရ အောင် ပြုလုပ်နေကြပါတယ်ဆိုတဲ့ ဟာမျိုးကို လုပ်တယ်လို့ပဲ မြင်တယ်”ဟု ဦးလနန်က ရှင်းပြသည်။
ထိုလုပ်ရပ်သည် နိုင်ငံခြား သံတမန်များကို အစိုးရက နိုင်ငံရေး လှည့်ကွက်တခုပြခြင်းပင် ဖြစ်ကြောင်း၊ ယခုရက်ပိုင်း အတွင်း ကချင်ပြည်နယ် KIO ထိန်းချုပ်ဒေသတွင် အစိုးရ၏ တပ်မ ၈၈ လက်အောက်ခံ တပ်ရင်းများက စစ်သည် အင်အားတိုး ချဲ့နေကြောင်း လည်း ၎င်းက ဆိုသည်။
ဤအတောအတွင်း ကချင်ပြည်နယ် ၀ိုင်းမော်မြို့နယ်တွင် အစိုးရ ခြေလျင်တပ်ရင်း (ခမရ) အမှတ် ၃၂၁ တပ်ဖွဲ့က နယ်မြေရှင်းလင်း ရေး ပြုလုပ်ခဲ့ရာ ကချင် လွတ်လပ်ရေး တပ်မတော် (KIA) တပ်ဖွဲ့ဝင်များနှင့် တိုက်ပွဲများ ဖြစ်ပွားခဲ့ကြောင်း သိရသည်။
တိုက်ပွဲများကြောင့် KIAက မြစ်ကြီးနားမြို့ပေါ်သို့ ပေးထားသော လျှပ်စစ်ဓာတ်အားများ ပြတ်တောက်သွားပြီး ဓာတ်ဆီ နှင့် မီးစက်များ ဈေးတက်သွားကြောင်း ဒေသခံများက ပြောသည်။
မြစ်ကြီးနားမြို့ ဒေသခံတဦးက မီးပျက်သွားသည့် နေရာသို့ သွားရောက်ပြင်ဆင်နေကြောင်း၊ ယနေ့ ညနေပိုင်တွင် မီးပြန်လာနိုင် ကြာင်း ပြောဆိုနေကြသည်ဟု ဆိုသည်။
KIO ခေါင်းဆောင်များက ယခင်စစ်အစိုးရနှင့် အပစ်အခတ်ရပ်စဲရေးပြုလုပ်ခဲ့သည့် နောက်ပိုင်း ထိုလျှပ်စစ်ဓာတ်အားကို မလိချောင်း ရေအားလျှပ်စစ်မှ ထုတ်ယူခဲ့ပြီး၂၀၀၅ – ၂၀၀၆ ခုနှစ်က ကချင်ဒေသရှိ ပြည်သူများကို လျှပ်စစ်ဓာတ်အား စတင် ဖြန့် ဝေပေးခဲ့ကြောင်း သိရသည်။
ဦးလနန်က“သက်ဆိုင်ရာကလည်း ဒီကစ္စကို အမြန်ဖြေရှင်ပေးပြီးတော့ လုပ်တော့လုပ်မယ် ထင်တယ်၊ ဘာကြောင့်လဲဆိုတော့ သူတို့ ဌာနဆိုင်ရာတွေရော ဒီမီးကိုပဲ အားကိုးပြီးတော့ သုံးနေကြတယ်၊ ဒီမီးကို အကြာကြီး အပျက်ခံလိမ့်မယ်လို့ မထင်ဘူး”ဟု ဆို သည်။
KIO သည် ၁၉၆၁ ခုနှစ်က စတင်ဖွဲ့စည်းခဲ့ပြီး ၁၉၉၄ ခုနှစ်တွင် ယခင်စစ်အစိုးရနှင့် အပစ်အခတ်ရပ်စဲရေး ပြုလုပ်ခဲ့သည်။
ပြီးခဲ့သည့် ဇွန်လ ၉ ရက်နေ့တွင် အစိုးရက မိုးမောက်မြို့နယ် တာပိန် ရေအားလျှပ်စစ် စီမံကိန်း အနီးရှိ KIA တပ်များအား လုံခြုံရေး အရ စိတ်မချရဟု အကြောင်းပြကာ ထွက်ခွာရန် ပြောဆိုခဲ့ရာမှ နှစ်ဘက်တိုက်ပွဲများ ပြင်ထန်စွာ ဖြစ်ပွားခဲ့ပြီးနောက် အပစ်အခတ် ရပ်စဲရေးလည်း ပျက်ပြယ်ခဲ့သည်။