ဒေါ်အောင်ဆန်းစုကြည် ဇူလိုင်လ ၉ ရက် လွှတ်တော်တက်မယ်

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဇူလိုင်လ ၉ ရက်နေ့မှာ လွှတ်တော်အစည်းအဝေးကို တက်ရောက် မှာ ဖြစ်ကြောင်း NLD ပါတီက ဒီကနေ့ ထုတ်ဖော်ပြောကြားပါတယ်။

photo: NLD face book

၂၀၁၂ ခုနှစ် ဇူလိုင်လ ၃၀ ရက်က ဥရောပခရီးစဉ်မှ ပြန်လည် ရောက်ရှိလာသော မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြည်သူလူထုအား တွေ့ဆုံနှုတ်ဆက်နေစဉ်။

ဇူလိုင် (၄) ရက်နေ့မှာ စတင်ကျင်းပမဲ့ လွှတ်တော် စတုတ္ထအကြိမ် ပုံမှန်အစည်းအဝေးမှာ ခွင့် (၃) ရက်ယူထားပေမဲ့ ဒေါ်အောင်ဆန်း စုကြည် ကျန်းမာရေးအခြေအနေ ကောင်းမွန်ကြောင်း NLD ပြောခွင့် ရပုဂ္ဂိုလ် ဦးဥာဏ်ဝင်းက ပြောပါတယ်။

"ကောင်းပါတယ်။ ကျွန်တော် ဒီမနက်တွေ့လာပါတယ်။ စကားလည်းပြောလာပါတယ်။ နည်းနည်းတော့ ပိန်တာပေါ့လေ။ အရင်ထဲကလည်း ပိန်တာပါပဲ။ လွှတ်တော်ကို ၉ ရက်နေ့တက် မယ်လေ။ ၄ ရက်၊ ၅ ရက်၊ ၆ ရက်ကိုတော့ ခွင့်တင်ထားပါတယ်"

ဒီအတောအတွင်း ပြီးခဲ့တဲ့လက သွားရောက်ခဲ့တဲ့ ဥရောပခရီးစဉ်နဲ့ ပတ်သက်ပြီး ဒေါ်အောင်ဆန်းစုကြည်ဟာ မနက်ဖြန်မှာ သတင်းစာ ရှင်းလင်းပွဲ ကျင်းပဖို့ရှိကြောင်းလည်း သိရပါတယ်။
ပြည်ထောင်စု ရွေးကောက်ပွဲကော်မရှင်က ထုတ်ပြန်လိုက်တဲ့ Burma နဲ့ မြန်မာအသုံးအနှုန်း ကိစ္စအပြင် လွှတ်တော်ဆိုင်ရာ တာဝန်တွေ၊ NLD ရဲ့ တာဝန်ပေးအပ်မှုတွေကို အဲဒီသတင်းစာရှင်းလင်းပွဲ မှာ ပြောဆို မယ်လို့ သိရပါတယ်။
RFA