ရတနာမိုင်က သူ့ရဲ့ တတိယတစ်ကိုယ်တော်ခွေ နဲ့ပတ်သက်ပြီး ပြောပြတာက” မိုင်လေးရဲ့တတိယတစ်ကိုယ်တော်အခွေကို ဇူလိုင်၊ သြဂုတ်လဝန်းကျင်လောက် ထွက်ဖို့ရှိပါတယ်။ ခေါင်းစဉ်ကိုတော့ ” ဖြစ်ရပ်မှန်” လို့လည်း ပေးထားပါတယ်။ Who are you လို့ လည်း ပေးထားတယ်။ ဘာဖြစ်မယ် မှန်းတော့ မသိသေးဘူး။
သီချင်းပုံစံတွေက အမြူးရော၊ သီချင်းအေးအေးလေးတွေရော အစုံပါပါမယ်။ သီချင်း ၁၂ ပုဒ် လောက်တော့ ခန့်မှန်းထားပါ တယ်။ မေမေ မိုင်ရဲ့ “မလွမ်းပို” ဆိုတဲ့သီချင်းလေးကိုလည်း ထည့်ဆိုထားပါတယ်။ မိုင်လေးအများကြီးကြိုးစားထားတဲ့အတွက် အများကြီးအားထားထားပါ တယ်” လို့ပြောပါတယ်။
မိခင်ဖြစ်သူ မိုင်ရဲ့သီချင်းတွေကို ပြန်လည်သီဆိုရတဲ့အခါမှာ ကိုယ့် အတွက်တာဝန်ကြီးတယ်လို့ ခံစား မိလားဆိုတော့ ရတနာမိုင်က” မိုင်လေးက ဘယ်လိုခံယူ ထားသလဲဆိုတော့ အခုခေတ် ပုံစံပေါ့။ မိုင်လေး ကိုယ့်ပုံစံနဲ့ကိုယ်ပဲ ပြန်ဆိုတယ်။ မေမေမိုင်ရဲ့ ပုံစံ အတိုင်း တထေရာတည်း မယူဘဲ ကိုယ့်ပုံစံဖြစ်အောင်ဆိုတဲ့အတွက် မိုင်လေးအတွက် အခက်အခဲတော့ သိပ်မရှိပါဘူး” လို့ ပြောပါတယ်။
သီချင်းဆိုတဲ့ အခါမှာအသံစွဲ ဆောင်မှုရှိတဲ့ ရတနာမိုင်က အသံအတွက် သီးသန့်ထိန်းသိမ်းတာမျိုးတော့မရှိဘဲ အသံသွင်းခါနီး ကျမှသာ ရှောင်သင့်တဲ့အစားအစာကို ရှောင်ကြောင်းပြောပါ တယ်။သရုပ်ဆောင်ဘက် မှာရော၊အဆိုဘက်မှာပါ အား ပေးကြတဲ့ပရိ သတ်တွေကို ကျေးဇူးအထူးတင် ကြောင်း ပြောတဲ့ရတနာမိုင်က တတိယတစ်ကိုယ်တော် အခွေထွက်လာရင်လည်း အားပေးကြပါဦးလို့ ရတနာမိုင်ကပြောပါတယ်။
Cr=>> မျိုးမောင် - Popular Journal
No comments:
Post a Comment