ဦးသိန်းစိန်ဓာတ်ပုံကိုသာ ရုံးများတွင် ချိတ်ဆွဲရမည် – only the president’s photo

10/24/2011 03:44:00 PMတွင်ရေးသည်

မိုးမခအထောက်တော် အမှတ် ၀၀၆
အောက်တိုဘာ ၂၄၊ ၂၀၁၁

ပြီးခဲ့သည့် လကုန်ပိုင်းက တွေ့ရသော နေပြည်တော်ရှိ ၀န်ကြီးရုံးတရုံး နှင့် ဗိုလ်ချုပ်မှူးကြီးသန်းရွှေ၏ ဓာတ်ပုံ။ (photo: MTH/facebook)

အစိုးရရုံးများတွင် လက်ရှိနိုင်ငံခေါင်းဆောင်၏ ဓာတ်ပုံကိုသာ ချိတ်ဆွဲရန် သမ္မတရုံးဝန်ကြီး ဦးစိုးမောင်က ပြည်သူ့လွှတ်တော်တွင် ပြောကြားလိုက်ကြောင်း စနေနေ့ထုတ် သတင်းစာများတွင် ဖော်ပြထားသည်။
ံ
အစိုးရရုံး၊ ကျောင်း၊ အုပ်ချုပ်ရေးမှူးရုံးများ၊ အစည်းအဝေးခန်းမ နံရံများတွင် “လက်ရှိနိုင်ငံ့အကြီးအကဲ ခေါင်းဆောင်၏ ဓာတ်ပုံကိုသာ ချိတ်ဆွဲရန် သတ်မှတ်ထားပါကြောင်း” ဟု ဦးစိုးမောင်က ပြောကြားလိုက်သည်။
အစိုးရရုံးများတွင် အာဇာနည်ခေါင်းဆောင်ကြီးတဦး၏ပုံကို ချိတ်ဆွဲခွင့် ရှိမရှိ သိလိုသည်ဟူသော မိုင်းပန် မဲဆန္ဒနယ်မှ ဦးထွန်းမြင့်ဦး၏ မေးခွန်းကို ထိုသို့ ဖြေဆိုခဲ့ခြင်းဖြစ်သည်။
ဗိုလ်ချုပ်ကြီးများ အရပ်ဝတ်လဲပြီး အရပ်သားအစိုးရ ဖွဲ့စည်းထားသည်မှာ ၆ လ မက ကြာမြင့်ခဲ့ပြီ ဖြစ်သော်လည်း အစိုးရရုံးများတွင် သမ္မတဦးသိန်းစိန်၏ဓာတ်ပုံကို မတွေ့ရသေးပေ။
ယခင် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေ၏ ဓာတ်ပုံကိုသာ ချိတ်ဆွဲထားကြသည်။

ဆက်လက် မျှဝေရန်... :

မြန်မာမီဒီယာများ