အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ပါတီ မှတ်ပုံတင် မတင်ကိစ္စကို လာမယ့် နိုဝင်ဘာ ၁၈ ရက်နေ့မှာ ပြည်နယ်တိုင်းအဖွဲ့ချုပ် ဗဟိုအလုပ်အမှုဆောင် (စီစီ) တွေနဲ့ တွေ့ဆုံဆွေးနွေးပြီး ဆုံးဖြတ်ချက်ချသွားမယ်လို့ သိရပါတယ်။
ဒီနေ့ မနက်ပိုင်းက တက္ကသိုလ်ရိပ်သာလမ်းနေအိမ်မှာ ပြုလုပ်တဲ့ အဖွဲ့ချုပ်ဗဟိုအလုပ်အမှုဆောင်အစည်းအဝေးကနေ ခုလိုဆုံးဖြတ်ချက်ချခဲ့တာလို့ အဖွဲ့ချုပ် ဗဟိုပြန်ကြားရေးအဖွဲ့ဝင် ဦးဉာဏ်ဝင်းက ပြောပါတယ်။
“ဆုံး ဖြတ်ချက်က စီစီရဲ့ သဘောတူညီချက်ယူပြီးမှ ဆုံးဖြတ်ဖို့ ဆုံးဖြတ်ခဲ့ကြတယ်။ အဲဒါ စီစီတွေကို လာမယ့် ၁၈ ရက်နေ့ မနက် အစည်းအဝေးအတွက် ကျနော်တို့ စတင်ပြီး ခေါ်နေပါတယ်။ မှတ်ပုံတင်ရေးနဲ့ပတ်သက်လို့ ကျနော်တို့ အဓိကအားဖြင့် နိုင်ငံရေးပါတီမှတ်ပုံတင်ခြင်း ပြင်ဆင်ချက်ဥပဒေ ထွက်လာတယ်လေ။ အဲဒီ ပြင်ဆင်ချက်ဥပဒေမှာ ပါတဲ့ ပြင်ဆင်ချက်များဟာ ကျနော်တို့နဲ့ သဘောတူတဲ့၊ ကျနော်တို့ လိုလားတဲ့ အချက်တွေလည်း ဖြစ်ပါတယ်။ ဒါကြောင့် မှတ်ပုံတင်ရေးအတွက် ကျနော်တို့ စီစီခေါ်ပြီး အဆုံးအဖြတ်ပြုမှာပါ။ ”
ပြီးခဲ့တဲ့ ၂၀၁၀ ရွေးကောက်ပွဲတုန်းက ပါတီမှတ်ပုံတင်သင့် မတင်သင့်ကိစ္စ ဗဟိုအလုပ်အမှုဆောင်နဲ့ ပြည်နယ်တိုင်းအမှုဆောင်တွေ စည်းဝေးပြီး မဲခွဲ ဆုံးဖြတ်ခဲ့တုန်းက ပါတီမှတ်ပုံမတင်ရေးကို ၉၅ ရာခိုင်နှုန်းနဲ့ အပြတ်အသတ် ဆုံးဖြတ်အတည်ပြုခဲ့ကြပါတယ်။
No comments:
Post a Comment