မြစ်ကြီးနား-ဗလမင်းထင် ဧရာဝတီတံတားလမ်းမဂိတ်တွင် ပြည်သူများအား မြန်မာအစိုးရ အာဏာပိုင်များ စစ်ဆေးနေပုံ။
ထို့အတူ စာသင်ကျောင်းများ၊ အစိုးရရုံးများနှင့် အခြားဌာနဆိုင်ရာရုံးများလည်း သာမန်အချိန်ထက်စော၍ ကျောင်းဆင်းရုံးဆင်းလာကြသည်ဟုဆိုသည်။
“KBC ကချင်နှစ်ခြင်းခရစ်ယာန်အသင်းချုပ်ရုံးလည်း ၃ နာရီဆင်းပြီ ခါတိုင်းဆို ၄ နာရီမှ လူစုခွဲတာ” ဟု ထိုရုံးနှင့် နီးစပ်သူတစ်ဦးပြောသည်။
နိုဝင်ဘာ ၂၉ ရက်က လူနှစ်ဦးသေဆုံးစေသည့် မိုင်းပေါက်ကွဲမှုဖြစ်ပွားခဲ့သည့် ကချင်ရိုးရာမနောကွင်းရှိရာ ရှတာပရူရပ်ကွက်တွင်လည်း နယ်မြေမှူး၊ ဆယ်အိမ်မှူးများက ညနေ ၅ နာရီနောက်ပိုင်း အိမ်ပြင်မထွက်ရန် အ်ိမ်တိုင်း လိုက်လံသတိပေးပြောဆိုလာသည်ဟု ဆိုသည်။
“ပြီးတော့မနက်ဖြန်အစည်းအဝေးထပ်ခေါ်တယ်။ အိမ်ထောင်စု မိတ္တူလေး ၄ ခု ယူလာဖို့ပြောတယ်။”
ထို့အပြင် မြစ်ကြီးနား မြို့ပေါ်ရပ်ကွက်များတွင် ဧည့်စာရင်းစစ်ဆေးမှု အာဏာပိုင်များက အထူးကြပ်မတ် ဆောင်ရွက်လာသည်ဟု ဆိုသည်။
နိုဝင်ဘာလ ၃၀ ရက်က မြန်မာအစိုးရတပ်၏ လက်နက်ကြီးကျည်ကြောင့် ၁ ဦးသေ ဆုံးကာ ၆ ဦးဒဏ်ရာရရှိသည့် တာလောကြီးကျေးရွာတွင် မြန်မာအစိုးရတပ်နှင့် KIO ကြား တိုက်ပွဲစိပ်လာသဖြင့် စာသင်ကျောင်းများ ပိတ်ထားသည်ဟု ထိုဒေသမှ ဆရာမတစ်ဦးပြောသည်။
တာလောကြီးကျေးရွာအုပ်စုတွင် အထက်တန်းကျောင်းတစ်ခု၊ အလယ်တန်းကျောင်းတစ်ခု၊ မူလတန်လွန်းနှင့် မူလတန်းကျောင်းများရှိသည်ဟု သိရသည်။
မြစ်ကြီးနားမှ တောင်ဘက်သို့ ဧရာဝတီမြစ်အတိုင်း စက်လှေဖြင့် ၃ နာရီကြာ စုန်ဆင်းလျှင် မြစ်ကျိုးအင်းအရှေ့ဘက်ကမ်းက တာလောကြီးသို့ရောက်သည်။
အရပ်ဝတ်လဲအစိုးရတက်လာပြီးနောက် ဇွန် ၉ ရက်မှ စကာ မြန်မာအစိုးရတပ်နှင့် ကချင်လွတ်မြောက်ရေးအဖွဲ့ (KIO) ကြားတိုက်ပွဲများဖြစ်ပွားနေရာ ယခုအခါ ၅ လကျော် ကြာလာပြီဖြစ်သည်။
လတ်တလော နိုဝင်ဘာလ ၂၉ ရက်က တရုတ်နိုင်ငံရွှေလီမြို့တွင် မြန်မာအစိုးရနှင့် KIO ကြားတွေ့ဆုံခဲ့သော်လည်း အပစ်အခတ်ရပ်စဲနိုင်ခြင်းမရှိသေးပါ။
ကချင်ပြည်နယ်၏မြို့ကြီးများနှင့် တရုတ်နယ်စပ်တစ်လျှောက် စစ်ပွဲကြောင့် အိုးအိမ်စွန့်ထွက်ပြေးကြသူများ ၃၂၀၀၀ ကျော်ပြီဖြစ်သည်ကို အကူအညီပေးနေသည့်အဖွဲ့အစည်းများ၏စာရင်းများက ဖော်ပြနေသည်။
post by KNG
No comments:
Post a Comment