အလုပ်လုပ်ခွင့် လက်မှတ်(ကဒ်)သစ်လုပ်ရန် ရက်သတ်မှတ်

ထိုင်းနိုင်ငံ မဲဆောက်မြို့  အလုပ်သမားရှာဖွေခန့်ထားရေးရုံးမှ အလုပ်သမားသစ်များအတွက် အလုပ်လုပ်ခွင့်လက်မှတ် ပြု လုပ်ရန်၊ အောက်တိုဘာလ (၁)ရက်မှ (၁၂)ရက်အထိ သတ်မှတ်ထားသည်ဟု လက်မှတ်ရရှိရေးကို လိုက်လံဆောင်ရွက်ပေးသူ အလုပ်သမားတဦးကပြောပါသည်။
မဲဆောက်မြို့ ရှိ အလုပ်ရှင်များသည်၊ အလုပ်သမားပြတ်လပ်မှုပြသနာ ဖြစ်လာသည့်အတွက် အစားထိုးနိုင်ရန် တောင်းဆို ရာက အလုပ်သမားရှာဖွေရေးရုံးက လိုက်လျှောပေးရခြင်းဖြစ်ပါသည်။
“ တချို့ အလုပ်သမားတွေဟာ အိမ်ပြန်ကြတာရှိသလို၊ တခြားစက်ရုံတွေကို ပြောင်းသွားတဲ့အလုပ်သမားတွေ လည်းရှိပါတယ်။ ဒီနေရာမှာ ရော့သွားတဲ့ အလုပ်သမားတွေကြောင့် လုပ်ငန်းတွေက လုပ်ငန်းကို ထိခိုက်လာတဲ့အတွက် တောင်းဆိုခဲ့တာဖြစ်ပါတယ်။ ဒါကြောင့် အဲဒီအတွက် အစားဖြည့်တဲ့ အနေနဲ့ အလုပ်သမားသစ်တွေကို မှတ်ပုံတင်ခိုင်းတာပါ။ အနည်းဆုံးတော့ အလုပ်သမား (၈၀၀၀)လောက် လိုအပ်နေတယ်လို့ အလုပ်သမားရှာဖွေရေးရုံးနှင့် နီးစပ်သူက ပြောပါ တယ်။”
ဘန်ကောက် ၊ ဖန်ငါး ၊ ဇင်းမယ် မှ လုပ်ငန်းရှင်များကလည်း ဈေးကြီးပေး၍ ယာယီနိုင်ငံကူးလက်မှတ် လုပ်စေပြီး ခေါ်နေသည့်အတွက် မဲဆောက်မြို့ ရှိကျွမ်းကျင်သည့် စက်ရုံအလုပ်သမားများ ဆုံးရူံးနေပါသည်။ ဤပြသနာရပ်တန့်ပေး ဖို့ကို လည်း မဲဆောက် အလုပ်ရှင်များက အလုပ်သမားရှာဖွေရေးရုံးကို တောင်းဆိုသော်လည်း မထိရောက်ပေ။
မဲဆောက်မြို့ ရှိ အလုပ်ရှင်များသည်၊ မိမိစက်ရုံ၌ အလုပ်သမား တည်တံ့နေစေရေးအတွက် အလုပ်သမားများကို ၃လ ၊ ၆လ ၊ တနှစ်ဆိုပြီး (၃)ပိုင်းခွဲပြီးမှတ်ပုံတင်စေပါသည်။ မှတ်ပုံတင်ကဒ် ကုန်ကျစရိတ်မှာ (၃)လစာ သက်တမ်းကို (၃၂၅) ဘတ်၊ (၆)လစာကို (၅၅၀)ဘတ်နှင့် တနှစ်စာကို (၁၀၀၀)ဘတ် ကုန်ကျပါသည်။ ဆေးစစ်ခကိုမူ ခါတိုင်း(၁၉၀၀)သာဖြစ်ပါ သည်။အရင်တုန်းက (၃၈၀၀) ဘတ်အစား အခုမဲဆောက်က အလုပ်သမားများ (၂၉၀၀)ဘတ်သာ ကုန်ကျပါသည်။

အလုပ်သမားသစ်များ အလုပ်လုပ်ခွင့်လက်မှတ်ပြုလုပ်ရန် စောင့်ဆိုင်းစဉ် (ဓါတ်ပုံ - အင်တာနက်)

မဲဆောက်ရှိ အလုပ်သမားများ၏ လုပ်ခမှာ တနေ့ကို(၁၆၂)ဘတ်ဟု အလုပ်သမားရုံးက သတ်မှတ်ပေးထားသော်လည်း လက်တွေ့ ၌ တနေ့ကို (၈၀ - ၉၀ - ၁၂၀)ဘတ်သာပေးပါသည်။ ဤသို့ကြောင့် ဈေးကြီးပေးသော တခြားမြို့ မှ လာ ရောက်ခေါ်ဆောင်သည့် လုပ်ငန်းရှင်များ နောက်ကို ပါသွားနေရခြင်းဖြစ်ပါသည်။
အလုပ်သမားပြတ်လပ်မှုကြောင့် မဲဆောက်အလုပ်ရှင်(၅၀)ခန့်သည် အလုပ်သမားသစ် ရရှိရေးအတွက် မှတ်ပုံတင်အသစ် လုပ်ဆောင်ပေးရန်  ပြီးခဲ့သည့် မတ်လ၌လည်း အလုပ်သမား ရှာဖွေရေးရုံးရှေ့ ၌ ဆန္ဒပြခဲ့ဘူးပါသည်။