မြန်မာ့ဆန်အထွက် မဆိုစလောက်သာ လျော့မယ်လို့ ဆန်စပါးအသင်းချုပ် ပြော

10/31/2011 12:38:00 AMတွင်ရေးသည်

မြန်မာနိုင်ငံက ဆန်စပါးထွက်တဲ့ ဒေသတွေမှာ ဒီနှစ်အတွင်း ရေလွှမ်းမိုးမှု တွေ ဖြစ်ခဲ့ပေမယ့် ဆန်စပါးအထွက် သိသိသာသာ လျော့နည်းသွားမှာ မဟုတ်ဘူးလို့ အပြည်ပြည်ဆိုင်ရာ ဆန်စပါး သုတေသန ဌာနရဲ့အကြံပေး၊ မြန်မာနိုင်ငံ ဆန်စပါး အသင်းချုပ် ဗဟိုအလုပ်အမှုဆောင် ဒေါက်တာ မျိုးအောင်ကျော်က အာအက်ဖ်အေကို ပြောပါတယ်။

AFP

သင်္ဘောဖြင့် နယ်မှ တင်ဆောင်လာသော ဆန်အိတ်များကို ဆိပ်ကမ်း ဂိုထောင်များသို့ သယ်ဆောင်နေသော ပခုံးထမ်း အလုပ်သမားများ ဖြစ်ပါသည်။

ရေကြီးမှုတွေ ဖြစ်ပေမယ့် နိုင်ငံရဲ့ ဆန်ထုတ်လုပ်မှု (၃) ရာခိုင်နှုန်း လောက်သာ ထိခိုက်ခဲ့တယ်လို့ ဒေါက်တာမျိုးအောင်ကျော်က ပြောပါတယ်။

ဒါ့ကြောင့် ပြည်ပကို ဆန်တင်ပို့မှုတွေ ကန့်သတ်မထားဘဲ ကုန်သည်တွေ ကို မြန်မာနိုင်ငံ ဆန်စပါးအသင်းချုပ်က ဆက်လက်ပြီး ဆန်တင်ပို့ခွင့် ပြုမယ်လို့လည်း ဆိုပါတယ်။

မကြာသေးခင်ကလည်း ပုသိမ်ဆိပ်ကမ်းကနေ ပြည်ပကို ဆန်တန်ချိန် ၇ သောင်းကျော် တင်ပို့ခွင့် ပေးခဲ့တယ်လို့ သိရပါတယ်။

ကမ္ဘာ့ထိပ်တန်း ဆန်တင်ပို့တဲ့ ထိုင်းနိုင်ငံမှာ ရေကြီးနေတဲ့အတွက် ကမ္ဘာ့ ဆန်ဈေးကွက်မှာ ဆန်ဈေးတွေ မြင့်တက်လာနေပါတယ်။ ထိုင်းနိုင်ငံ ကိုယ်တိုင်ကလည်း ဒေသတွင်းက ဆန်တွေ ဝယ်ယူ တင်သွင်းမယ်လို့ ပြောဆိုခဲ့ပါတယ်။ ဒါပေမယ့် မြန်မာ့ဆန်ကိုတော့ ဈေးမြှင့်ပြီးဝယ်ယူဖို့ ကမ်းလှမ်းတာ မရှိသေးဘူးလို့ ပြည်တွင်း ဆန်ကုန်သည်တွေက ပြောပါတယ်။

မြန်မာနိုင်ငံရဲ့ ဆန်ဈေးကွက် အလားအလာနဲ့ ပတ်သက်ပြီး ဆန်စပါး အသင်းချုပ် ဗဟိုအလုပ်အမှုဆောင် ဒေါက်တာမျိုးအောင်ကျော်ကို မမေစောမြင့်က ဆက်သွယ်မေးမြန်းထားပါတယ်။