တရုတ် သဘောထားအပေါ် သူတို့အမြင်

သမ္မတ ဦးသိန်းစိန်၏ မြစ်ဆုံ စီမံကိန်းဆိုင်းငံ့ရေး ဆုံးဖြတ်ချက်နှင့် ပတ်သက်ပြီး တရုတ် နိုင်ငံခြားရေးဝန်ကြီးဌာန နှင့် စီမံကိန်း တွင် အများဆုံး ရင်းနှီး မြှုပ်နှံထားသော တရုတ်အစိုးရပိုင် China Power Investment Corporation(CPIC) ဥက္ကဋ္ဌ တို့၏ တုံ့ပြန်ချက် အပေါ် သဘောထား အမြင်များကို ဧရာဝတီ က စုစည်းဖော်ပြလိုက်ပါသည်။

မောင်ဝံသ
အတိုင်ပင်ခံ အယ်ဒီတာ၊ ပြည်သူ့ခေတ် ဂျာနယ်

Mg Wutha by Yangon media group

တရုတ် ကုမ္ပဏီဘက်နဲ့ တရုတ်က အကျိုး စီးပွားရေးသမားတွေ ဘက်က စာလို့ရှိရင်တော့ သူတို့ဘက်က နာမှာပေါ့ဗျာ။ ဘာလဲ ဆို တော့ သူတို့ဘက်က အချောင်နှိုက်ထားတာကိုး။ အချောင်နှိုက်ထားတာ ပျက်သွားတာကိုး။ သူတို့က အဲဒီလိုပျက်သွားတဲ့ အခါကျတော့ တော်တော်ကြီးကို သူတို့ဘက်က အဆီတ၀င်းဝင်းနဲ့ စားရမယ့်ထမင်းပွဲကြီးကို ပါးစပ်ထဲရောက်ခါနီးမှ ပုတ်ချခံသလိုမျိုး ဖြစ်မှာကိုး။ အဲဒီလိုဖြစ်နေတယ်။ သူခိုး လက်ခံတဲ့ လူနဲ့ သူခိုးနဲ့ ပေါင်းပြီးတော့လုပ်တော့ နောက်ဆုံးမှာ လူမိသွားတဲ့ အခါကျတော့ သူခိုး က ပြန်ပြီးတော့ လူဟစ်တဲ့သဘော ပြန်ဖြစ်တာပေါ့။

ဦးအုန်း
သဘာဝပတ်ဝန်းကျင် ထိန်းသိမ်းရေးဆိုင်ရာ ပညာရှင်

U Ohn by myanmarisp

ကုမ္ပဏီစည်းကမ်းအရ စာချုပ်အရ၊ စရံတွေပေးထားတယ်၊ ငွေတွေ၊ အရင်းအနှီးတွေ တပိုင်းတစ မြှုပ်နှံထားတယ်၊ ဒါတွေ ပြန်ေ တာင်း တာတို့ တရားစွဲတာတို့ ကတော့ သူတို့လုပ်ပိုင်ခွင့်၊ ဒါပေမယ့်လည်း ပြည်သူလူထုရဲ့ဆန္ဒကို အလေးထားတဲ့ အနေနဲ့ သမ္မတ က ဒီမြစ်ဆုံ စီမံကိန်းကို ရပ်လိုက်တာ။

ဒီကိစ္စနဲ့ပတ်သက်ပြီး တရုတ်က သူတို့မသိဘဲလုပ်ရမလား၊ သူတို့ သဘောတူညီချက်မရဘဲနဲ့ လုပ်ရမလား ဆိုတာက၊ ဒါ နိုင်ငံတော် ရဲ့အချုပ် အချာ အာဏာကို စော်ကားတာ၊ အဲဒါတော့ ကျနော် လုံးဝ လက်မခံနိုင်ဘူး။

တရားစွဲတာ စွဲပါ၊ ကမ္ဘာအရပ်ရပ် ဘယ်မှာပဲ စွဲစွဲ၊ ဒါသူတို့ လုပ်နိုင်ပါတယ်၊ ဒါပေမယ့် သမ္မတက ပြည်သူ့ရဲ့အသံကို တန်ဖိုးထားပြီး တော့ အခြေအနေအရ ရပ်ရမယ်ဆိုပြီးတော့ ဆုံးဖြတ်တာ၊ ဒီအပေါ်မှာ သူတို့က ၀င်ပြီးစွက်ဖက်ရင် မြန်မာနိုင်ငံရဲ့အချုပ်အချာ အာ ဏာကို စော်ကားတာပဲ၊ အလေးမထားတာဘဲလို့ ယူဆတယ်။ ပြည်သူလူထုရဲ့ ဆန္ဒကိုအလေးမထားဘဲနဲ့ အနိုင်ကျင့်တဲ့ ပုံစံမျိုးနဲ့ ၀င် စွက်ဖက်တာတော့ လုံးဝလက်မခံပါဘူး။

သခင်ချန်ထွန်း
သံအမတ်ဟောင်း

ChanTun

သမ္မတကြီးလုပ်ရပ်က ပြည်သူလူထုကို အလေးထားပြီးလုပ်တဲ့အတွက် မှန်ကန်တဲ့ လုပ်ရပ်ဖြစ်တယ်၊ တရုတ်နဲ့ ပတ်သက်ပြီးတော့ နိုင်ငံတကာခုံရုံး တက်ရမယ်ဆိုလည်း တက်ကြမယ်ပေါ့၊ ဒါပေမယ့် နှစ်နိုင်ငံလုံးကတော့ ဒီအခြေအနေကြောင့် ဆက်ဆံရေး အပျက် ခံမယ် မထင်ဘူး။

ဦးအောင်ကျော်ဇော
တရုတ်-မြန်မာ နယ်စပ် အခြေစိုက် မြန်မာ့အရေး လေ့လာသူ

တရုတ်ပြည်က ပြောပြောနေတဲ့ နှစ်နိုင်ငံပြည်သူများတို့၊ ချစ်ခင်မှုတို့ဆိုတာ သူတို့ပါးစပ်ဖျားက အပေါ်ယံပြောတယ်ဆိုတာ ပေါ်လွင် တယ်။ အစိုးရတရပ်နဲ့ ချုပ်ဆိုထားတဲ့ ကိစ္စ တစုံတရာ တိမ်းစောင်းမှုဖြစ်သွားတဲ့အခါမှာ သူတို့ဖော်ပြတာပဲ။ နှစ်နိုင်ငံ ဆက်ဆံရေးမှာ တန်းတူဆက်ဆံရေးကို မဖော်ပြဘူး။ အပေါ်စီးက ပြောတာဖြစ်တယ်။ မြန်မာအစိုးရကတော့ မြန်မာပြည်သူတွေကိုကိုယ်စားပြု ပြော တာ ဖြစ်တယ်။ သူတို့လည်း သိတာပဲ၊ ပြည်သူတွေ ဘယ်လောက် အခက်အခဲဖြစ်တယ် ဆိုတာ။

တရုတ်ပြည်ရဲ့ သဘောထား၊ ကျနော်တို့ တိုင်းပြည်အပေါ်ထားတဲ့ နှစ်ပြည်ထောင်ပြည်သူများ ဆွေမျိုးပေါက်ဖော် ချစ်ကြည်ရေး ဆိုတာ ဘာကို ပြောတာလဲ၊ မြန်မာပြည်သူတွေကို မျက်စိထဲ ထည့်မကြည့်ဘူးဆိုတာ ဖော်ပြတာ၊ သူတို့ အကျိုးအမြတ် ထိရင် လုံးဝ လက်မခံဘူးဆိုတာ ပေါ်တာပဲ။ ကျနော်ကတော့ လက်မခံနိုင်ပါဘူး။

လူထု စိန်ဝင်း
သတင်းစာဆရာ

ludu sein win by moemaka

တရုတ်ပြည်နဲ့ မြန်မာပြည်ဆိုတာ မော်စီတုန်း ၊ ချူအင်လိုင်း လက်ထက်ကတည်းက ရင်းနှီးစွာ ဆက်ဆံခဲ့ကြတဲ့ နိုင်ငံတွေဖြစ်ကြ တယ်။ ဒီချစ်ခင်ရင်းနှီးမှု အစဉ်အာလာကို ရသမျှယူမယ်ဆိုတဲ့ လောဘဇောကြောင့် ပျက်စီးမသွားအောင် ထိန်းသိမ်းစောင့်ရှောက်ဖို့ နိုင်ငံကြီးဖြစ်တဲ့ တရုတ်နိုင်ငံမှာ ပိုပြီးတော့ တာဝန်ရှိတယ်။ တရုတ်ဟာ အစဉ်အဆက်က ကိုလိုနီနယ်ချဲ့တွေကို ဆန့်ကျင်ခဲ့တဲ့ နိုင်ငံဖြစ်တယ်။ အခုအချိန်မှာ ကိုယ်တိုင်က ကိုလိုနီနယ်ချဲ့လုပ်ရပ်တွေ လုပ်နေတာ သင့်၊ မသင့် စဉ်းစားဖို့ ကောင်းတယ်။ မြန်မာနိုင်ငံ ပြည်သူတွေ အနေနဲ့ကတော့ ဧရာဝတီကို ဖြစ်တဲ့နည်းနဲ့ ကာကွယ်စောင့်ရှောက် သွားကြရမှာဖြစ်တယ်။ (Weekly Eleven မှ)

မအားနန်
ကချင်ပြည် လူမှုဖွံ့ဖြိုးရေး ကွန်ရက် တာဝန်ခံ

တရုတ်အနေနဲ့ ပြန်စဉ်းစားသင့်တယ်၊ ဘာဖြစ်လို့လဲ ဆိုတော့ ပြန်ကြည့်မယ် ဆိုရင် ကချင်ပြည်မှာ တိုက်ပွဲတွေ ဖြစ်နေတယ်၊ မတည်မငြိမ် ဖြစ်နေတဲ့ ဒေသမှာ အစိုးရနဲ့ ဒီလိုမျိုးလုပ်မယ်ဆိုလို့ ရှိရင် သူတို့ရဲ့ စီမံကိန်းတခုလုံး မတည်ငြိမ်ဘူး၊ စိုးရိမ်စရာ အန္တရာယ်တွေလည်း ရှိတယ်ဆိုတာကို ပြောချင်တယ်၊ ပြီးတော့ သူတို့က နှစ်ဦး နှစ်ဘက် အကျိုးရှိမယ့်လုပ်ငန်းလို့ ပြောထားတယ်၊ CPIC ဥက္ကဋ္ဌ ကိုယ်တိုင် က ပြောထားတယ်၊ တကယ်တမ်း သူတို့ ဘက်မှာ အကျိုးအမြတ်တွေက အများကြီး။ ဒီ ဧရာဝတီမြစ်မှာ မှီခိုနေတဲ့ ဒေသခံတွေက ဘာမှ အကျိုးခံစားခွင့်မှမရဘူးဖြစ်နေတယ်။ အစိုးရနဲ့ပဲ စာချုပ် ချုပ်ထားတာ၊ ပြည်သူလူထုကို အသိပေးတာ လည်း မရှိဘူး။