တောင်အာဖရိကနိုင်ငံဟာ ဒီမိုကရေစီ လမ်းကြောင်းကို ဒရွတ်ဆွဲပြီး လျှောက်နေတယ်လ်ို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဝေဖန်လိုက်ပါတယ်။
ဂျိုဟန်နက်စဘတ် တက္ကသိုလ်မှာ ကျင်းပခဲ့တဲ့ ဗီဒီယိုက တဆင့် တွေ့ဆုံမေးမြန်းပွဲမှာ အခုလို ဝေဖန် ပြောဆိုခဲ့တာပါ။ ပိုပြီး ပွင့်ပွင့်လင်းလင်း ပြောရရင် တောင်အာဖရိက အာဏာပိုင်တွေဟာ ဒီမိုကရေစီနဲ့ လူ့အခွင့်အရေး အတွက် ရုန်းကန် ရင်ဆိုင် နေရတာတွေ အပေါ် ဘုန်းတော်ကြီး ဒက်စမွန်တူးတူးလောက် အူလှိုက်သည်းလှိုက် အားမပေးကြဘူးလို့ ခံစားရတဲ့အကြောင်း ဒေါ်အောင်ဆန်းစုကြည်က ပြောကြားခဲ့ပါတယ်။ မိမိတို့ အမျိုးသား ဒီမိုကရေစီအဖွဲ့ချုပ်ဟာ တောက်အာဖရိက ပြည်သူတွေကို စိတ်ဓါတ်တူသူတွေ၊ တူညီတဲ့ တိုက်ပွဲတွေကို တိုက်နေကြတဲ့ ညီအစ်ကို မောင်နှမတွေ အဖြစ် သဘောထားကြောင်း၊ တိုက်ပွဲကို ပြီးမြောက် အောင်မြင်သွားသူတွေ အနေနဲ့ ဆက်လက်ပြီး ကြိုးစား ရုန်းကန်နေကြရဆဲ ဖြစ်နေရသူတွေကို အမှတ်ရကြဖို့ကောင်းတယ်လို့ ဒေါ်အောင်ဆန်းစုကြည်က ပြောပါတယ်။ ဘုန်းတော်ကြီး ဒက်စမွန်တူးတူးရဲ့ မွေးနေ့ပွဲကို ဖိတ်ကြားခံရသူ တိဘက် ဘာသာရေး ခေါင်းဆောင် ဒလိုင်လားမားကို ပြည်ဝင်ခွင့် ဗီဇာ ထုတ်မပေးဘဲ နှောင့်နှေးတဲ့ ကိစ္စကိုလည်း ဒေါ်အောင်ဆန်းစုကြည်က ဝေဖန်လိုက်ပါတယ်။
ဒေါ်အောင်ဆန်းစုကြည်ရဲ့ ပုဂံခရီးစဉ် အတွင်း ၂၀၁၁ ခုနှစ် ဇွန်လ ၅ ရက်နေ့က ကြိုဆိုနှုတ်ဆက်ကြတဲ့ ဒေသခံတွေကို ဒေါ်အောင်ဆန်းစုကြည် ပြန်လည်နှုတ်ဆက်နေပုံ။ ဓါတ်ပုံ - Yonhap News
Baht Exchange Rate
0 comments ::
စာဖတ်သူတွေရဲ့ ပြောရေးဆိုခွင့် ... !