ပစ်မှတ်ထဲက မြန်မာပြည်

(စာအုပ်ဝေဖန်ချက်)

မြန်မာနိုင်ငံ အရှေ့မြောက်ပိုင်းဒေသရှိ သီပေါမြို့ကလေးတွင် မွန်းလွဲချိန်၌ လက်ဖက်ရည်ဆိုင်၊ သို့မဟုတ် စားသောက်ဆိုင် တခုခုအတွင်းထိုင်၍ လမ်းမပေါ် ဖြတ်သန်းသွားလာသည့် လူစီးကားသစ် SUV ယာဉ်တန်းကို ထိုင်ကြည့်နေကြရသည်က လူအများအဖို့ ဝါသနာတခုလို ဖြစ်လာသည်။

ကားများကို ပလတ်စတစ်စဖြင့် အလုံပိတ်ထားကြပြီး၊ မြန်မာနိုင်ငံတွင် ပြန်ရောင်းချကြ ရန်ဖြစ်သည်။ တရုတ်ပြည်မှ
နေ၍ တောင်ဘက် မြန်မာနိုင်ငံအတွင်းသို့ မောင်းနှင်သွားကြသည်။ ထိုမျှသာမက ဈေးချိုချိုဖြင့် ဝယ်ယူလာသည် ဟု ယူဆရသည့် လိမ္မော်သီးကားတန်းများလည်း ပြည်တွင်းဘက် ဆင်းသွားကြသလို၊ ဆန့်ကျင်ဘက်သို့ ကျွန်းသစ် ယာဉ်တန်းကြီးက ပြန်ဖြတ်သွားကြသည်။ နောက် ၁၅-နှစ်ကြာသည့်အခါ တရုတ်၏စီးပွားရေး မြန်မာနိုင်ငံ အတွင်း သို့ ချဲ့ထွင်လာသည့် အခြေအနေက အဓိကပြောဆိုစရာ အကြောင်းကိစ္စတခု ဖြစ်လာခဲ့သည်။

သမိုင်းပညာရှင်နှင့် စာရေးဆရာဖြစ်သူ ဦးသန့်မြင့်ဦးက သူ၏ နောက်ဆုံးစာအုပ် "တရုတ်ပြည်နှင့် အိန္ဒိယ တွေ့ဆုံ သည့် နေရာ" (Where China Meets India) တွင် သူ၏အဆိုကို တင်ထားသည်။ သူ့အမြင်က အသစ်တော့ မဟုတ်။ ၁၉၉ဝ ခုနှစ်များ နှစ်လည်ပိုင်းမှစ၍ စတင်ဖြစ်ထွန်းလာခဲ့သည့် ရေစီးကြောင်းကို ချဲ့ထွင် မွမ်းမံ၍ တင်ပြ
ခြင်းသာ ဖြစ်သည်။ ရာစု နှစ်ပေါင်းများစွာ တရုတ်ပြည်နှင့် အိန္ဒိယအကြားတွင် မြန်မာနိုင်ငံက ဆက်စပ်ပေါင်းကူး တံတားထိုး၍ မဖြစ်နိုင်သည့် အခြေအနေရှိခဲ့သည်။

သန့်မြင့်ဦးတင်ပြသည့် သမိုင်းကြောင်းအရဆိုလျှင် မြန်မာနိုင်ငံက များမကြာမီနှစ်များတွင် ပြောင်းလဲလာသည့် အာရှမြေမျက်နှာသွင်ပြင်က ဝိုင်းပတ်ထားသည့် ဗဟိုချက်မတွင် ရောက်ရှိနေခဲ့ပြီဟု ဆိုသည်။ အကြောင်းမှာ အာရှ၏ မဟာလူဦးရေ ပိုင်ဆိုင်ထားသည့် အင်အားကြီးနိုင်ငံ နှစ်ခုက လာတွေ့ဆုံသည့် မြန်မာနိုင်ငံကို ခေတ်သစ် တခုအသွင်သို့ တွန်းထိုး ပို့ဆောင်တော့မည် ဖြစ်သောကြောင့်ပင်။
wherechinameetsindia

"တရုတ်ပြည်နှင့် အိန္ဒိယတွေ့ဆုံသည့်နေရာ" အမည်ရ စာအုပ်သည်
ပြောင်းလဲနေသည့် မြေပုံများနှင့် လူဦးရေများ အကြောင်းကို အများစု ပုံဖော်တင်ပြ ထားခြင်း ဖြစ်သည်။ ကက်ပလန်ဆန်ဆန် ခရီးသွာ
အတွေ့အကြုံ ဇာတ်ကြောင်း ကို ပြန်ပြောပြရင်း စာအုပ်ကိုသယ်ဆောင်
သွားရာ၊ အချို့သော စာသားများက ထိုနေရာများသို့ ကိုယ်တိုင်ကိုယ်ကျ မရောက်ဘူးသူများအတွက် အထူးအကျိုး ဖြစ်စေမည်မှာ မလွဲပေ။

သို့မဟုတ် တကြိမ်တခါ ရောက်ဖူး၊ တွေ့ကြုံဖူးခဲ့သူများကလည်း နောက်ဆုံး အခြေအနေကို ပြန်၍ နှိုင်းယှဉ်ကြည့်နိုင်လိမ့်မည် ဖြစ်သည်။ မည်သို့ပင် ဖြစ်
စေ ဦးသန့်မြင့်ဦးက တင်ပြသည့် သုံးသပ်ချက်များ၊ အဆိုပြုချက်များက ယင်း
ဒေသ၏ ပြောင်းလဲဖြစ်ပေါ်နေသည့် မြေမျက်နှာသွင်ပြင်နှင့် ပတ်သက်၍ အတွင်းကျကျလှုံ့ဆော်မှု အတွေးကို ပေးနိုင်လိမ့်မည် ဖြစ်သည်။

စာအုပ်ကို ကဏ္ဍများခွဲခြားထားပြီး စာရေးသူက သက်ဆိုင်ရာနိုင်ငံများအလိုက် အချိန်ကာလကို အခြေပြု၍ အခန်းခွဲ တင်ပြထားခြင်း ဖြစ်သည်။ တင်ပြထားသည့် မြန်မာနိုင်ငံနှင့် သက်ဆိုင်သည့် အခန်းသည် ကြီးထွားလာ သည့် တရုတ်တို့ခြေရာနှင့် မြန်မာပြည်အပေါ် မည်သို့သက်ရောက်စေသည့် အကြောင်းကို အလေးပေး တင်ပြထား သည်။ သို့သော်လည်း မြန်မာနိုင်ငံကို ယခုအခြေအနေသို့ ဆိုက်ရောက်စေခဲ့ရသည့် အဓိက အကြောင်းအချက်များ ကိုမူ အနည်းအကျဉ်းမျှသာ တို့ထိတင်ပြထားသည်။

စာရေးသူကမူ ခေတ်သစ်မြန်မာနိုင်ငံ၏ ကျရှုံးမအောင်မြင်ဖြစ်ရမှုများကို ကိုလိုနီခေတ် နိုင်ငံတော် ကျရှုံးခန်းနှင့် ဒုတိယ ကမ္ဘာစစ်၏ အကျိုးဆက်အဖြစ် ခြေရာကောက် တင်ပြထားသည်။ ဦးသန့်မြင့်ဦးက "ဗြိတိသျှတို့အနေဖြင့် ဆက်၍ကျန်နေပြီး စီးပွားရေးနာလံထူနိုင်စေရန် ကူညီနိုင်ဖို့ရှိသည်။ သို့သော်လည်း ဤသို့ မဖြစ်ခဲ့သည်မှာ ပြင်ပ အကြောင်းအချက်များကြောင့် မဟုတ်။ အစွန်းရောက် အမျိုးသားရေးလှုပ်ရှားမှု အားကောင်းလာခဲ့ပြီး၊ ၎င်းတို့က မည်သည့်တန်ဖိုးဖြင့် ဖြစ်စေ ဗြိတိသျှတို့ကို မောင်းနှင်ထုတ်ရန် ဆုံးဖြတ်ခဲ့သောကြောင့် ဖြစ်သည်" ဟု ဆိုထား သည်။

မည်သို့ဖြစ်စေ မြန်မာနိုင်ငံက လွတ်လပ်ရေးပြီးချိန်တွင် ဒယီးဒယိုင်ဖြင့် လျှောက်လှမ်းနိုင်ခဲ့သော်လည်း၊ လက်ရှိ
နိုင်ငံ၏ အခြေအနေကမူ သူ၏အဆိုအရ ၁၉၉ဝ ခုနှစ်များ အဆန်းပိုင်းနှင့် အလယ်ပိုင်းကာလ ပေးလာသည့် အခွင့်အလမ်းကောင်းများကို မဆုပ်ကိုင်မိသည့် ဖြစ်ရပ်သာဟု သုံးသပ်ဖော်ပြထားသည်။ မြန်မာနိုင်ငံကို သူသုံးသပ်
ကြည့်သည့်အချိန်က အခြားနိုင်ငံများဖြစ်သည့် အိန္ဒိယ၊ ဗီယက်နမ်၊ အခြားသော အာရှကျားများနှင့် အလားအလာ အရ တန်းတူနီးပါး ပြေးနေခဲ့သည်ဟု ဆိုသည်။ သို့သော်လည်း မြန်မာနိုင်ငံက စီးပွားရေး တံခါးဖွင့်ရာ လမ်းတွင် ကွဲပြားနေသည့်၊ အပျက်လမ်းသို့ ဦးတည်နေသည့် အခက်အခဲများကို ကျော်လွှားနိုင်ခြင်း မရှိခဲ့၊ ပြင်ပကမ္ဘာနှင့် မချိတ်ဆက်နိုင်ခဲ့ဟု ဆိုသည်။

ဤသုံးသပ်ချက်က ပြောရမည်ဆိုလျှင် စာအုပ်တခုလုံး ဖော်ပြထားသည့် ပင်မ အကြောင်းအရာ အတွက် ဖြည့် ဆည်း ထောက်ပံ့ပေးသည့် အဆိုမျှသာ ဖြစ်သည်။ သူဆိုလိုချင်သည့်အချက်မှာ မြန်မာနိုင်ငံနှင့် စစ်တပ်အပေါ် ချမှတ်ထားသည့် ပစ်ဒဏ်ခတ်ပိတ်ဆို့မှု အကျိုးမဖြစ်ထွန်းပုံနှင့် ဆိုးကျိုးသက်ရောက်စေပုံများ၊ ၎င်းနှင့်အတူ တွဲရှိနေသည့် "အနောက်နိုင်ငံ များမှ လူများကြိုက် ကမ်ပိန်းများ"၊ စစ်အစိုးရကို လူဆိုးဗီလိန်ရုပ်ပုံ ဖော်နေပြီး ပို၍ ပြင်းထန်စွာဒဏ်ခတ်ရန် ဆက်လက် တောင်းဆိုနေမှု စသည့်အချက်များက ပို၍ခိုင်မာသည့် ဆက်ဆံမှုများ
ဖြစ်ပေါ်လာစေမည့်ကိစ္စများအပေါ် အထူးသက်ရောက် ရိုက်ခတ်မှု ရှိနေစေသည်ဟု ဆိုသည်။ စာမျက်နှာ အများစု တွင် ဒဏ်ခတ်ပိတ်ဆို့မှု ဆန်ရှင်အပေါ် စိတ်ပျက်မကျေ နပ်မှုများဖြင့် ပြည့်နေသည်။ ၂ဝဝ၈ ခုနှစ် နာဂစ် ဆိုင်ကလုန်း ကာလတွင် အကူအညီကိစ္စများကို အဟန့်အတား ဖြစ်စေမှုမှ နေ၍၊ မန္တလေးမြို့ကို တရုတ်စွန့်စား စီးပွားရင်းနှီးမြှုပ်နှံသူများ အကြား ပြိုင်ဘက်မရှိ ပေလျကံ ပစ်ထားခဲ့ရမှုများ အဆုံး ပတ်သက် ဖော်ပြထားသည်ကို
တွေ့ရသည်။

ထို့အပြင် ဆက်လက်အားပြိုင်နေဆဲဖြစ်သည့် တိုင်းရင်းသားအင်အားစုများကို သိမ်းကျုံးစုစည်းနိုင်ရေး ဆက်လက် လှုပ်ရှား ကြိုးပမ်းနေနှင့် ပတ်သက်၍လည်း ဦးသန့်မြင့်ဦးက သူ့အမြင်ကို တင်ပြထားသည်။ တဖက်က ပိတ်ဆို့ ဒဏ်ခတ်ထားချိန်တွင် ကုလသမဂ္ဂက ဖြည့်ဆည်းလှုပ်ရှားမည့် ချည်းကပ်မှု ရှိမနေခြင်း၊ ကမ္ဘာ့ဘဏ် အကူအညီများ ရှိမနေခြင်းတို့ကြောင့် အပစ်အခတ်ရပ်စဲရေး သဘောတူညီမှုများအပြီး၊ ၎င်းနှင့်အတူ ဖွံ့ဖြိုးရေးလုပ်ငန်းများ တန်းတူ ယှဉ်၍ လက်တွေ့မလိုက်နိုင် ဖြစ်ခဲ့ရသည်ဟု ဆိုသည်။

စာအုပ်က ပြောလိုသည့် အဓိကအကြောင်းအရာကို ပြန်၍ သွားရမည်ဆိုလျှင် လက်ရှိအိမ်နီးချင်းနိုင်ငံ နှစ်ခုက လုပ်ဆောင်နေပုံမှာ မြန်မာနိုင်ငံကို ဘေဂျင်းနှင့် နယူးဒေလီက လုယက်ခိုးယူနေကြခြင်း ဆိုသည်ထက် ပိုမို
ပြောင်မြောင်မည့် စကားအသုံးအနှုန်း မရှိနိုင်တော့ပါ။ မြန်မာနိုင်ငံ ဇာတ်ကြောင်းတလျှောက်လုံးတွင် တရုတ်က ပါဝင် ပတ်သက်နေသော်လည်း၊ အိန္ဒိယကမူ လွမ်းမောစရာ ကိုလိုနီခေတ် အတိတ်က ဆက်နွယ်ခဲ့မှုများ၊ အစော ပိုင်း လူ့ယဉ်ကျေးမှု ဖြစ်ထွန်းစဉ်ကာလ ဆက်သွယ်မှုများမှလွဲ၍ ပြောစရာ မရှိသလောက် ဖြစ်နေသည်။

အာဏာဆက်၍ ကြီးထွားလာနိုင်မှုနှင့် ပတ်သက်၍ ဖော်ပြ ထားချက်များတွင် လုံခြုံမှုမရှိဟု ခံစားနေရသည့် အိန္ဒိယက လုံခြုံစိတ်အပြည့်ရှိနေသည့် တရုတ်နှင့် ရင်ဆိုင်နေရသည့် ဝန်းကျင်စိတ်ခံစားမှုကို ထင်ဟပ်နေသည်။ တနည်းဆိုရသော် မြန်မာနိုင်ငံ ရှေ့တန်းမျက်နှာစာအတွက်မူ မြင်ရသည့်ပုံကားချပ်မှာ ထိုးစစ်ဆင်နေသည့် အရှေ့အာရှ အင်အားကြီးနိုင်ငံနှင့် ခုခံကာကွယ်နေရသည့် တောင်အာရှ မဟာအင်အားကြီးကို တွေ့မြင်နိုင်သည်။

ယခင်က ကုလသမဂ္ဂ သံအရာရှိ တဦး
ဖြစ်ခဲ့ဖူးသည့် ဦးသန့်မြင့်ဦးက ယခု
အခါ ဘန်ကောက်မြို့တွင် နေထိုင်၍ စာရေးဝမ်း ကျောင်းနေပြီး၊ မြန်မာ၊
အိန္ဒိယ၊ တရုတ် နိုင်ငံများသို့ ခရီးလှည့် လည်ခဲ့သည်။ သူက "မြန်မာပြည်နှင့်
ပတ်သက်၍ ပုဂ္ဂိုလ်ရေး ဆိုင်ရာ သမိုင်း
ကြောင်း- ခြေရာပျောက် မြစ်တစင်း"
အမည်ရ စာအုပ်ရေးသားခဲ့သူလည်း
ဖြစ်သည်။ ဓာတ်ပုံ။ Macmillan

တရုတ်နိုင်ငံကို နှိုင်းယှဉ်၍ ဖော်ပြရလျှင် ၂၁ ရာစု၏ ပထမဦးဆုံး ဆယ်စုနှစ် တွင် အခြေခံ အဆောက်အဦ စီမံကိန်း များ တည်ဆောက်နေမှုမှာ ပြီးခဲ့သည့် ရာစုနှစ်များရှိ အမေရိကန်ပြည်ထောင်စု၏ စုစုပေါင်း စီမံကိန်းများထက် များပြားနေသည်ကို မြင်နေရသည်။ အိန္ဒိယကမူ သူ့နိုင်ငံနေရာ အနှံ့အပြား
တွင် ပင် ခေတ်သစ် အခြေခံ အဆောက် အဦးများ ကင်းမဲ့နေသေး သည်။ "တရုတ်နိုင်ငံ၏ ပြည်နယ်တခု ဖြစ်သည့် (ယူနန်က များမကြာမီတွင် မန္တလေး သို့ အမြန်ပြေး ကျည်ဆံရထားလမ်း ပေါက်တော့မည် ဖြစ်သော်လည်း၊ အိန္ဒိယ ၏ အရှေ့မြောက်ပိုင်း ပြည်နယ်မြို့ ဖြစ်သည့်) အင်ဖာတွင် ကျေးလက်လမ်း မျှသာ ရှိနေသေးသည်" ဟု ဦးသန့်မြင့်ဦးက သူ၏ လေ့လာတွေ့ရှိချက်ကို
ဖော်ပြထား သည်။

ယခုအချိန်တွင်မူ တရုတ်နှင့် အိန္ဒိယနိုင်ငံတို့၏ အတွေ့အကြုံများ၊ လက်ရှိ သူတို့၏ အကျပ်အတည်းများက မြန်မာနိုင်ငံ အတွက်မူ နောက်ထပ် အခွင့်အလမ်း တံခါးပေါက် ဖြစ်နေစေသည်။

လက်ရှိ ဖြစ်နေဆဲ ဖြစ်သလို၊ မြင်သာနေသည့် တရုတ်နိုင်ငံ တိဘက်နှင့် ရှင်ကျန်းဒေသများမှ မတည်ငြိမ်မှုများနှင့် နှိုင်းယှဉ်၍ ယူနန်က လက်ရှိ
ကာလ တွင် တည်ငြိမ်နေမှုကိုလည်း သူက ဆွေးနွေးထားသည်။ ဦးသန့်မြင့်ဦးက တွက်ဆဖော်ပြရာ၌ တိဘက်နှင့် ရှင်ကျန်းတွင် ပြောရ
လျှင် တသားတည်း လူမျိုးဝိသေသတူ အတိုက်အခံများ ထက်စာလျှင် ယူနန်ပြည်နယ်ရှိ ကွဲပြားနေသည့် ဝိသေသလက္ခဏာပိုင်ဆိုင်ထားသည့် လူမျိုးများအကြား ယှဉ်ကြည့်ပါက လုံခြုံရေးရှုထောင့်ဘက်မှ ကွဲပြားခြားနားမှုများ မြင်နေရသည်ဟု သုံးသပ်သည်။

သို့ဆိုလျှင် မြန်မာနိုင်ငံအတွက် မည်သို့ အဓိပ္ပါယ် ရသနည်းဟု ဆက်၍ မေးခွန်းထုတ်စရာ ဖြစ်လာသည်။ တရုတ်
နိုင်ငံထက် သေးငယ်သည့် ပထဝီဒေသရှိသည့် မြန်မာနိုင်ငံရှိ တိုင်းရင်းသား အုပ်စုများကို တသားတည်း ဝိသေသ တူဟု တွက်ချက်မည်လော၊ ရှုပ်ထွေးသည့် ပြဿနာဟု တွက်ဆမည်လောဟု စောကြောစရာ ဖြစ်စေသည်။
သေချာ သည်မှာ ဘေဂျင်းအစိုးရအတွက်မူ နေပြည်တော်၏ ခြောက်အိပ်မက်သည် သူတို့အဖို့ ဆိုဗီယက်ယူနီယံ
မှ ခွဲထွက်ခဲ့သည့် ပြည်နယ်တခု၏ ပြဿနာအဖြစ်သာ မြင်ပေလိမ့်မည်မှာ မလွဲပင်။

တဖန် မြန်မာနိုင်ငံရှိ လက်ငင်း တိုင်းရင်းသားအကျပ်အတည်း အက်ကြောင်းကိုလည်း ဒုတိယကမ္ဘာစစ်ပြီးကာလ သမိုင်းကို သူက ပြန်၍ထောက်ပြပြောဆိုခဲ့သည်။ ဘေဂျင်းက ၁၉၅ဝ ခုနှစ်များတွင် သူ၏နယ်မြေများကို ပြန်၍ ချုပ်ကိုင်ရယူခဲ့ရာ တိုင်းလူမျိုးများ နေရာဒေသများလည်း အပါအဝင် ဖြစ်ခဲ့သည်။ သို့သော်လည်း မြန်မာအစိုးရ
နှင့် တပ်မတော်ကမူ ဤသို့ အဆုံးအဖြတ်ပေးနိုင်သည့် ကြိုးပမ်းမှုမျိုး မလုပ်ဆောင်နိုင်ခဲ့သလို၊ အစွန်အဖျားရှိ လူမှုအသိုင်းအဝိုင်းမှာ မသိမ်းသွင်းနိုင်ဘဲ သည်အတိုင်း ကျန်နေခဲ့သည်။

ယခုတိုင် မြန်မာနိုင်ငံရှိ ဗဟိုအစိုးရအနေဖြင့် ကျင့်သုံးနေဆဲ လက်ကျန်နည်းဗျူဟာများမှာ အပန်းဖြေ ဥယျာဉ် သဖွယ် တိုင်းရင်းသားများကို လူပြစားသည့် ချည်းကပ်မှုမျိုးသာ ဖြစ်သည်ဟု ဦးသန့်မြင့်ဦးက ဖော်ပြသည်။ တချိန်တုန်းက ဘေဂျင်း အစိုးရက ကွဲပြားသော်လည်း ညီညွတ်သည့်လူထုများအဖြစ် စုစည်း ဂုဏ်ယူဖော်ပြ ခဲ့ကြ သည့် လုပ်ရပ်နှင့်အလားတူ ဖြစ်သည်ဟုဆိုသည်။ ဥပမာတခုအနေဖြင့် မြန်မာအစိုးရ၏ အုပ်ချုပ်ရေး မြို့တော်
နေပြည်တော်တွင် မြန်မာနိုင်ငံတိုင်းနှင့် ပြည်နယ်များကိုယ်စားပြု ဆောက်လုပ်ထားသည့် ဥယျာဉ်ကျယ်ကြီး တခု လည်း ရှိသေးသည်။ အဝင်ဝတွင် မစ်ကီးမောက်စ် ကာတွန်းဇာတ်ကောင်က ကြိုဆိုနေပြီး၊ မြင်းလှည်းဖြင့် နိုင်ငံ၏ တိုင်းနှင့် ပြည်နယ်များကို လှည့်လည်ကြည့်ရှုနိုင်ရန် စီစဉ် ထားသည်။ တိုင်း/ပြည်နယ်ကိုယ်စားပြု အထိမ်းအမှတ် များ အပန်းဖြေဆွဲဆောင်မှုအဖြစ် တည်ဆောက်ထားပြီး၊ အမှန်တကယ် ခက်ခဲနက်နဲသည့် ပြဿနာများ၊ ဒေသ အခြေအနေများကို လုံးဝထင်ဟပ်နေခြင်း မရှိပေ။

အိန္ဒိယနိုင်ငံအတွက်မူ ဦးသန့်မြင့်ဦးက ၎င်း၏ အရှေ့မြောက်ဒေသကို "မြန်မာပြည်အငယ်စား" ဟု ဖော်ပြပြီး၊ "မည်သူမျှ သူတို့အိန္ဒိယရှိ အဆင့်အနေကို ပျော်ရွှင်မှုမရှိ၊ ဤသို့ လူအားလုံးက ကိုယ်စီခံစားနေရသော်လည်း ဘုံလှုပ်ရှားမှုအဆင့် တိုးတက်လာခြင်း မရှိ" ဟု ဖော်ပြထားသည်။ သူက နာဂလူမျိုးများအတွင်းရှိ အခြေအနေ ကိုလည်း ထပ်၍လေ့လာတင်ပြ ခဲ့သေးသည်။ ၎င်းတို့အတွင်း နိုင်ငံတကာ ထောက်ခံမှုရစေရန် ဖက်ဒရယ်
ပြည်ထောင်စု အဖြစ် ပြောဆိုနေကြသော်လည်း လုံးဝ လွတ်လပ်ရေးကို ဖုံးကွယ်ပြောဆိုနေမှုအဖြစ် သူတင်ပြ သည်။ မြန်မာနိုင်ငံတွင်လည်း အလားတူ ဖက်ဒရယ်ပြည် ထောင်စု တည်ထောင်ရန် တိုင်းရင်းသား အုပ်စုများက
ပြောဆိုနေကြသော်လည်း၊ အမှန်သိနိုင်ရန် ခက်ခဲသည်ဟု ဆိုသည်။ ထို့အပြင် နိုင်ငံတွင်းရှိ တိုင်းရင်းသားနှင့်
နိုင်ငံရေးအင်အားစု အမျိုးမျိုးအကြား မညီညွတ်ကွဲပြားနေကြသည်မှာလည်း ငြင်း ဖွယ်မရှိဟု သူက ဆိုထားသေး သည်။

"တရုတ်ပြည်နှင့် အိန္ဒိယတွေ့ဆုံသည့် နေရာ" အမည်ရ စာအုပ်သည် ဖွံ့ဖြိုးမှုဆိုင်ရာ၊ စီးပွားရေး အကျိုးစီးပွား ဆိုင်ရာ၊ နိုင်ငံရေး ပထဝီဖွဲ့စည်းပုံတို့ကြောင့် သက်ရောက်ထိခိုက်မှုရှိရာ ဇာတ်ကြောင်းလည်း ဖြစ်သည်။ နည်းပညာ တိုးတက်လာသည်နှင့်အမျှ ပထဝီအပြောင်းအလဲများ ဖြစ်ပေါ်လာသည်နှင့်အမျှ ဖန်တီးရယူနိုင်သည့် ဖွံ့ဖြိုးရေး ဇာတ်လမ်းဟုလည်း ဖော်ပြထား သည်။ ကျမ်းရိုးနိုင်ငံရေး ကိစ္စများကို ဤဖြစ်စဉ်တွင် သူက တစုံတရာ ထည့်သွင်း
ဖော်ပြထားသော်လည်း၊ သူ၏နောက်ဆုံး စကားကိုမူ လားရှိုးတွင် သူတွေ့ဆုံခဲ့သည့် တရုတ်စီးပွားရေး လုပ်ငန်းရှင်
၏ စကားလုံးများဖြင့်သာ ဖော်ပြရလိမ့်မည် ဖြစ်သည်။ "သူတို့ (မြန်မာ) တွေက ဒီမိုကရေစီ မလိုပါဘူး။ တချက်လေး
တောင် မလိုပါဘူး။ သူတို့လိုတာက သူတို့အစိုးရကို ဖွံ့ဖြိုးတိုးတက်စေအောင် လုပ်ဖို့ပါ" ဟု ဆိုသည်။ သူပြောလို သည်ကို အတိအကျ ချုပ်၍ ဖော်ပြထားသလို ဖြစ်နေသည်။ လက်ရှိနေပြည်တော်ရှိ စဉ်းစားချက်ကလည်း ဤအတိုင်းပင် ဖြစ်ဖို့ ရှိနေသည်။

သို့ဆိုလျှင် တရုတ်နှင့် အိန္ဒိယက တဖက်တချက် ဝိုင်းပတ်နေသည့် ၂၁ ရာစု မြန်မာနိုင်ငံကို မည်သို့ တည်ဆောက် ကြမည်နည်း။ ဦးသန့်မြင့်ဦးအတွက်မူ ကွဲပြားနေသည့် ယေဘုယျလမ်းကြောင်း နှစ်ခု ချပြစဉ်းစားခိုင်းဖို့ ရှိနေသည်။

ပထမလမ်းကြောင်းမှာ စီးပွားဒဏ်ခတ် ပိတ်ဆို့မှုကို သက်သေပြုထားသည်။ ဤသို့သော အခြေအနေအောက်တွင်
မြန်မာစီးပွားရေးက တိုးတက်လာဖို့ ရှိသည်။ သို့သော် ပဋိပက္ခများကို မဖြေမရှင်းနိုင်ဘဲ ကျန်နေပြီး၊ အာရှ၏ လမ်းဆုံ လမ်းခွအသစ်သည် အာရှနိုင်ငံများ၏ ကုန်သွယ်မှုနှင့် သယ်ယူပို့ဆောင်ရေးကွန်ရက်တွင် တိုး၍ ဆက်စပ် ချိတ်ဆက်လာမည် ဖြစ်သော်လည်း၊ အန္တရာယ်များ ပြည့်လျှမ်းနေမည့်လမ်းသာ ဖြစ်သည်။ ဒုတိယရွေးလမ်းမှာ အံ့သြဖွယ်မဟုတ်သည့် သူ၏ တောင်းဆိုချက်အဖြစ် ဒဏ်ခတ်ပိတ်ဆို့မှုများကို အမြန်အဆုံးသတ်ရေး ဖြစ်ပြီး၊ သို့မှသာ ညီမျှသည့် ဖွံ့ဖြိုးမှုဖြစ်ပေါ် လာနိုင်မည်ဟု ဆိုသည်။ တပြိုင်တည်းတွင် တိုင်းရင်းသားတို့၏ နစ်နာချက် များကို ဖြေရှင်းပေးသွားပြီး အာရှကမ္ဘာ၏ ဗဟို ချက်မအသစ်အဖြစ်၊ သဟဇာတရှိ ငြိမ်းချမ်းစွာ၊ မတူကွဲပြားသော လူမျိုးများစုစည်း ရပ်တည်နိုင်ရေးပင် ဖြစ်သည်။

မည်သို့သော ရွေးလမ်း အခြေအနေကို ရွေးချယ်သည်ဖြစ်စေ၊ အခြား ထည့်သွင်းတွက်ချက်ရမည့် ကိန်းရှင်များ လည်း အများအပြား ရှိနေသေးသည်။ အခြားထည့်သွင်းစဉ်းစားရမည့် အချက်များတွင် တခုအပါအဝင်ဖြစ်သည့် တရုတ်နိုင်ငံ အနေဖြင့် ပစိဖိတ်သမုဒ္ဒရာတွင် ထူးထူးခြားခြား ခြိမ်းခြောက်မှုများ မကြုံတွေ့ရဘဲ တည်ငြိမ်စွာ စီးပွားဆက်၍ တက်နေဦးမည်ဟု ပွင့်ပွင့်လင်းလင်း မှန်းဆထားခဲ့သည်။ အိန္ဒိယနိုင်ငံအတွက်မူ အထူးသဖြင့် အရှေ့မြောက် ပြည်နယ်များကို စုစည်းရေးအတွက် အဓိကအခက်အခဲများ ရင်ဆိုင်ဖြေရှင်းရန် ကျန်နေသေးပြီး၊ အိန္ဒိယနိုင်ငံ၏ အရှေ့ပိုင်းသည် ကျန်ဒေသများအတွက် စီးပွားဖွံ့ဖြိုးမှုကို ပို၍ခံစားတွေ့ကြုံရသည်ဟု ဆိုသည်။ ထို့အပြင် ဒက္ကာ (ဘင်္ဂလားဒေ့ရှ်) တွင် ရွေးကောက်ပွဲများအပြီး တက်လာသည့် အစိုးရတွင် နိုင်ငံရေးပါတီများ၊ လူပုဂ္ဂိုလ်များက နယူးဒေလီနှင့် ဆက်ဆံရေးတွင် အဆင်မချောသူများ ဖြစ်နေနိုင်သေးသည်။

နောက်ဆုံးအနေဖြင့် ဖော်ပြရလျှင် ဦးသန့်မြင့်ဦး တင်ပြခဲ့သည့် ခရီးလမ်းကြောင်း၊ များစွာသော ယဉ်ကျေးမှုများကို ယခု စာရေးသူ (မိမိ) ကိုယ်တိုင် တွေ့ကြုံခဲ့ရဖူးသူ ဖြစ်သည်။ စာအုပ်ဆုံးသွားသည့်အခါ ကျနော်က တကိုယ်ကောင်း ဆန်ဆန် အမြင်တရပ်ဖြင့် ပြင်းပြင်းထန်ထန် ကျန်ရစ်ခဲ့ရသည်။ ကူမင်းနှင့် ရမ်းဗြဲကျွန်းကို ဆက်သွယ်သည့် ကျည်ဆံရထားကို ကျနော် မြင်လိုပါသလား။ ဒေသတခုလုံးအတွင်း လုံးဝ သိသိသာသာပြောင်းလဲသွားမည့် ဘဝများ၊ ယဉ်ကျေးမှုများကို မြင်တွေ့လိုပါသလား။

မေးခွန်းထုတ်ကြည့်မိသလို မမြင်လိုပါဟု ဖြေမိသည်။ ဤသို့ အနည်းဆုံးသော ခံစားမှုမျှနှင့်ပင် ယနေ့မြန်မာ့ လူမှု အဖွဲ့အစည်းကို ယက်ဖောက်ထားသည့် ဆက်နွယ်မှုများကို ကျော်လွန်လုပ်ဆောင်မည့် အခြေခံ အဆောက်အဦနှင့် ဖွံ့ဖြိုးရေးစီမံချက်များက သက်ရောက်လာမည့် ဆိုးကျိုးများအပေါ် စိုးရိမ်လာမိသလို၊ မြန်မာနိုင်ငံ လုံခြုံရေးကဏ္ဍ အတွက်၊ အတိုက်အခံ ခေါင်းဆောင် ဒေါ်အောင်ဆန်းစုကြည်အတွက်၊ များစွာသော တိုင်းရင်းသား အုပ်စုများ အတွက်လည်း စိုးရိမ်ပူပန်နေမိ ပါတော့သည်။

စာအုပ်အမည်– Where China Meets India: Burma and the New Crossroads of Asia (တရုတ်နှင့် အိန္ဒိယတို့ တွေ့ဆုံသည့် နေရာ။ အာရှ လမ်းဆုံလမ်းခွရှိ မြန်မာပြည်)
စာရေးသူ- Thant Myint-U
ပုံနှိပ်ထုတ်ဝေသည့် စာအုပ်တိုက်နှင့် ခုနှစ်- Farrar, Straus and Giroux, 2011.
Joseph Ball ရေးသားသည့် စာအုပ်ဝေဖန်ချက် Burma in the crosshairs ကို ဆီလျော်အောင် ပြန်ဆိုဖော်ပြ ပါသည်။